កំសាន្ត​ជាមួយ​ចំណោទ​គណិត​វិទ្យា

ដើម្បី​ជា​ការ​ពង្រីក​ចំណេះ​ដឹង​ខាង​ការគិតសូមសាកល្បង​ដោះ​ស្រាយ​នូវ​ចំណោទ​ថ្នាក់ទី​៩ ដូចខាងក្រោម៖
បុរស​សង្ហាម្នាក់​បាន​រង់ចាំសង្សា​រ​របស់ខ្លួន​នៅ​តាមផ្លូវ​ ដើម្បី​ផ្ញើ​ឲ្យ​នាង​ទិញ​នូវ​ផ្លែ​​ក្រូច​អោយ​ខ្លួន។ ពេល​នារី​ជាសង្សារ​មក​ដល់ បុរស​នោះ​បាន​វាចារថា៖

អូនទៅផ្សារណាត់ បងឈរចាំស្កាត់ ផ្ញើអូនទិញក្រូច លុយបងហុកសិប បងគិតឲ្យគាប់ អស់លុយឲ្យគ្រប់ ផ្លែក្រូចគត់សែ។

ពោធិសាត់លក់ថ្លៃ មួយរៀលតថ្លៃ ទិញបានមួយផ្លែ ក្រូចថ្លុងលក់ថោក មួយរៀលប្រាំផ្លែ ក្រូចឃ្វិចថ្លៃដែរ មួយផ្លែប្រាំរៀល។

សំណូរសួរថា៖

តើនារីម្នាក់នោះអាចទិញ​ក្រូចដែលសង្សារបស់នាងផ្ញើឲ្យទិញ បានមួយមុខៗប៉ុន្មានផ្លែ?

(ដក​ស្រង់ចេញ​ពីការ​ប្រលង​សិស្ស​ពូកែ​គណិត​វិទ្យា ទី៩ ទូទាំងខេត្ត​កំពង់​ចាម ២០០៣)